Mei Liadabuach - Sog, auf wem schdehsd?

Das ist die Seite von Gustav Freudmann / Mei Liadabuach

Sog, auf wem schdehsd?

(Who do you love?/George Thorogood nach Bo Diddley)

Külomedtaweid renn i da auf Stochedrohd.
A Kobra drog i uman Hois.
Aufd Schdroß hob i ma_r_a Haus hibaud,
aus Klobpaschlonganleda und des ois.
A nogeneicha Rauchfang sidsd do drobn
aus Dodenkepf zsaummbaud fesd.
Und jeds gengan ma a glane Runde, Madl
und du sogsd ma: Auf wem schdehsd?
Sog, auf wem schdehsd?

Umd Schdodt bin i gridn, de Beidschn in da Haund,
ruhich bleim, Madl, hoids Mundweak beinaund.
Sog, auf wem schdehsd?
Sog, auf wem schdehsd?

A Haund wiara Grobschdaa, a Gmiad wiara Grob.
Vü z'jung doss i vuan Schdeam Aungsd hob.
Sog, auf wem schdehsd?
Jo, sog, auf wem schdehsd?
Geh, sog, auf wem schdehsd?

Mei Madl hod mi gnumman bei da Haund,
hod gsogd, Buali, grods zsaumm dein Vaschdaund!
Sog, auf wem schdehsd?

De Nochd woa schwoaz, da Himme blau.
Da Eiswogn is oboschd wia de Sau.
Is wo augschdraafd, ana hod brüd,
des häsd soin gseng haum, des woa_r_a Büd.

Sog, auf wem schdehsd? Sog, auf wem schdehsd?
Jo, sog, auf wem schdehsd?
Geh, sog, auf wem schdehsd?

A Haund wiara Grobschdaa, a Gmiad wiara Grob.
Vü z'jung doss i vuan Schdeam Aungsd hob.
Umd Schdodt bin i gridn, de Beidschn in da Haund,
ruhich bleim, Madl, hoids Mundweak beinaund.
Jo, sog, auf wem schdehsd?
Geh, sog, auf wem schdehsd?

Külomedtaweid renn i da auf Stochedrohd.
A Kobra drog i uman Hois.
Aufd Schdroß hob i ma_r_a Haus hibaud,
aus Klobpaschlonganleda und des ois.
A nogeneicha Rauchfang sidsd do drobn
aus Dodenkepf zsaummbaud fesd.
Und jeds gengan ma a glane Runde, Madl
und du sogsd ma: Auf wem schdehsd?
Jo, sog, auf wem schdehsd?
Geh, sog, auf wem schdehsd?

Auf wem schdehsd?
Auf wem schdehsd?
Auf wem schdehsd?